Mijozlaringizni sodiq mijozga aylantiring
Keshbek, ball, kupon va Telegram mini-ilova — bitta tizimda. Har xariddan mijoz ball yig'adi, qaytib keladi va do'stlarini olib keladi. Siz esa hammasini bitta paneldan ko'rasiz.
Boshqaruv paneli namunasi: bugun berilgan ball, qaytgan mijozlar, yangi a'zolar va o'rtacha chek real vaqtda yangilanadi.
Har kim o'z ilovasida ishlaydi
Xaridor, kassir va biznes egasi — har biri uchun alohida, o'ziga qulay ekran. Hammasi bir-biri bilan real vaqtda bog'langan.
Telegram mini-ilova
Balans, QR kod, statuslar, kuponlar, filiallar xaritasi va xaridlar tarixi — Telegram ichida, hech narsa o'rnatmasdan.
Batafsil →Kassa ilovasi
Kodni kiriting yoki QR'ni skanerlang, summani yozing — ball o'zi hisoblanadi. Telefon, planshet yoki kompyuterda, internetsiz ham.
Batafsil →
Boshqaruv paneli
Tushum, qaytgan mijozlar, kassirlar reytingi, filiallar taqqoslashi va har bir mijozning to'liq kartochkasi.
Batafsil →
Kassadan panelgacha — bir necha soniyada
Mijoz kod aytadi, kassir summani yozadi — qolgan hammasini tizim o'zi bajaradi.
Jonli namuna: mijoz Telegram ilovasida QR kodni ko'rsatadi, kassir uni skanerlab xarid summasini tasdiqlaydi, mijozga ball yoziladi va Telegramga chek keladi, egasining panelida yangi xarid paydo bo'ladi.
Sodiqlik dasturi uchun kerak bo'lgan hammasi
Har bir funksiya alohida sahifada rasm va misollar bilan tushuntirilgan.
Keshbek va ball
Har xariddan belgilangan foizda ball. Keyingi xaridda ball bilan to'lanadi — 1 ball = 1 so'm.
Statuslar
Silver, Gold, Platinum… Ko'proq xarid qilgan mijozga yuqoriroq keshbek — avtomatik.
O'z Telegram botingiz
Ro'yxatdan o'tish, xarid cheki, tabrik va eslatmalar — sizning brendingiz nomidan.
Kupon va aksiyalar
Foizli, summali yoki bonus ball kuponlari. Muddat, limit va minimal xarid bilan.
3 darajali referal
Mijoz do'stini taklif qiladi — do'stining xaridlaridan ham ball oladi.
Tug'ilgan kun bonusi
Soat 09:00 da sovg'a ball va shaxsiy tabrik — yiliga bir marta, avtomatik.
Mijoz segmentlari
VIP, doimiy, yangi, qaytmayotgan va yo'qolgan mijozlar — bitta bosishda Excel'ga.
Telegram e'lonlar
Rasmli yangilik yoki aksiyani hammaga yoki uzoq vaqt kelmaganlarga bir tugma bilan yuboring.
Internetsiz kassa
Aloqa uzilsa ham savdo to'xtamaydi — xaridlar navbatga yoziladi va keyin o'zi yuboriladi.
Statistika va hisobotlar
Tushum, o'rtacha chek, qaytish foizi, kassirlar reytingi va har kungi Telegram hisoboti.
Tovarlar va ostatka
Katalogni Excel, Google Sheets, WooCommerce yoki API orqali yuklang — qoldiq filial bo'yicha.
Filiallar xaritasi
Mijoz eng yaqin filialni, ish vaqtini topadi va bir bosishda yo'l ko'rsatishni ochadi.
Telegram orqali
Mijoz ilova yuklab o'tirmaydi
Kassa yonidagi QR bannerni skanerlaydi — botingiz ochiladi. Telefon, ism va tug'ilgan kun — uch qadamda ro'yxatdan o'tadi va darhol xush kelibsiz bonusini oladi.
- Til tanlash: o'zbek, rus yoki ingliz
- Telefon raqami bitta tugma bilan yuboriladi
- Har xariddan keyin Telegramga chek keladi
- Ball kuyishidan oldin eslatma, tug'ilgan kunda tabrik
Telegram bot namunasi: ro'yxatdan o'tish xabari, xarid cheki, tug'ilgan kun tabrigi va ball kuyishi haqida eslatma.
Qaytib keladigan xaridori bor har qanday biznes
Dorixonalar
Doimiy xaridorlar, tug'ilgan kun bonusi va filiallar tarmog'i.
Do'kon va supermarketlar
Katta oqim, tez kassa va internetsiz ishlash.
Kafe va qahvaxonalar
Shtamp karta «10-qahva bepul», har tashrifda ball va do'st taklif qilish.
Salon va xizmatlar
Baholar, qayta tashrif eslatmalari va shaxsiy takliflar.
Kafe va qahvaxonalar uchun
Shtamp karta: «10-qahva bepul»
Qog'oz kartochka va muhr endi kerak emas. Har xariddan keyin mijozning Telegram ilovasidagi kartasiga shtamp tushadi. Karta to'lsa — sovg'a tayyor: mijoz keyingi tashrifda kassada QR ko'rsatib oladi.
- Shtamp kassada avtomatik qo'yiladi — kassir alohida hech narsa bosmaydi
- Nechta shtampda sovg'a, minimal chek va sovg'a nomini o'zingiz belgilaysiz
- Kunlik limit va xaridlar orasidagi vaqt — chekni bo'lib urishning foydasi yo'q
- Sovg'a faqat mijozning QR yoki kodi bilan beriladi — kassir o'zicha bera olmaydi
- Keshbek bilan birga ishlaydi yoki uning o'rniga — keshbekni 0% qilsangiz kifoya
Shtamp karta namunasi: har xariddan keyin mijoz ilovasidagi kartaga shtamp qo'shiladi va Telegramga chek keladi, o'ninchi shtampda sovg'a tayyor bo'ladi.
Kichik do'kondan tarmoqqacha
Barcha tariflarda: kassa, mini-ilova, Telegram bot va xarid cheki. Istalgan vaqt tarifni almashtirish mumkin.
Ko'p beriladigan savollar
Mijoz nimani o'rnatishi kerak?
Hech narsa. Mijoz ilovasi Telegram ichida ochiladi (Telegram Mini App). Kassa yonidagi QR'ni skanerlash yoki botga havola orqali kirish kifoya.
Telegrami yo'q mijoz-chi?
Kassir uni telefon raqami bo'yicha qo'shadi — keshbek yig'ilaveradi. Ballni yechish esa xavfsizlik uchun faqat mijozning o'z kodi yoki QR'i orqali bo'ladi.
Kassa uchun maxsus qurilma kerakmi?
Yo'q. Kassa ilovasi istalgan telefon, planshet yoki kompyuter brauzerida ishlaydi. Oddiy USB/Bluetooth shtrix-skaner ham to'g'ridan-to'g'ri ishlaydi.
Internet uzilsa nima bo'ladi?
Kassa ishlashda davom etadi: xaridlar qurilmada navbatga yoziladi va aloqa tiklanganda avtomatik yuboriladi. Ball yechish va kuponlar esa server tasdig'ini talab qiladi.
Obuna tugasa kassa to'xtab qoladimi?
Yo'q. To'lov kechiksa faqat boshqaruv paneli cheklanadi. Kassa va mijoz ilovasi ishlashda davom etadi — xaridorlaringiz jabr ko'rmaydi.
Sodiqlik dasturini bugunoq ishga tushiring
7 kun bepul sinab ko'ring. Hisobni o'zimiz ochamiz, kassirlarni ulashda va botni sozlashda yordam beramiz.